:) CARITAAN KURING :) waktu keur budak, lamun usum medar langlayangan, tas balik sakola agama kuring sok biasa moro langlayangan anu lepas balas diadu jeung nulian,mun beunang sok dijual ka pamuda anu butuheun,dina hiji mangsa aya langlayangan lepas terus ku kuring diboro paheula heula nepi jeung batur,ngan hanjakal langlayangan nu ku kuring diboro nyangsang dina tangkal kadongdong luhur pisan,kusabab langlayanganana alus tur keretasna oge bahana tina keretas wajit,kapaksa ku kuring ditaekan sangkan kapimilik,geus naek kaluhur tangkal oge kuring turun deui kusabab teu kahontal kudu dibantuan ku panyoer,kuring kokotetengan neangan gantar anu rada panjang,ngan,,pas ngaliwat kagigireun dapuran tangkal cau,sareretan kuring ningali aya loket plastik anu warna na koneng merkna golkar.:) ku kuring dicokot trus dirawatan diasupkeun kana jeuro pesak calana,gancangna carita langlayangan geus kapimilik,kuring balik,disatengahing jalan eta loket dibuka susuganan aya eusian,breh katemong aya duit galabag salembar anu jumlahna sapuluh rebu gambar Kartini mun teu salahmah,mun salah?..bae da poho deui atuh.waktu jaman kuring kersakola esde kelas hiji mah asa can pernah ningali duit sakitu the,beukeul sakola oge ku kolot ngan saukur dibere saratus perak sapoe.kuring bingung rek dikumahakeun ieu duit gede pisan,rek dijajankeun kabeh sieun diwadalkeun,bisi tengah peting aya jalma jangkung gede numpak kuda ngajemput kuring rek dibawa kalayan maksa,ceunah nu kitu disebutna wadal,ceuk kuring waktu harita.>=) kusabab sieun satuluyna duit anu nang pamanggih tea dibikeun ka bibi kuring,tah isukana kuring ku bibi dibere duit anu jumlahna saratus perak,ceunah duit anu sapuluh rebu dibagi bagikeun ka barudak anu sapantar jeung kuring boh lalaki atawa awewe. Teing beuneur jeung heunteunamah Wallohu a'lam bimurodih...!mun ayeunamah manggihna moal dibikeun ka bibi,rek dijajankeun kabeh,bae peting aya nu ngajemput oge,rek ditanya heula samemeh dibawa,seug kuring dibawa asal disadiakeun awewe nu rupana siga Luna maya.hahayy...#ngahayal =D